يا اخوات ايش رايكم بالولادة بالمستشفى الالماني بالرباض

بسم الله الرحمن الرحيم
اخواتي اللي تعرف المستشفى الالماني بالرياض او قد ولدت فيه ترد على ايش رايها بالدكاترة لاني عاجبني عنايتهم بالمرضى ونظافتهم بس مااعرف كيف مستوى الولادة فيه واذا امكن برايك تنصحيني اولد وين
طبعا كلها تساهيل من الله بس الواحد يحاول ياخذ بالاسباب.
الله يهون علي وعلى جميع المسلمات
نرجو الرد بسرعه على نفس السؤال ولكم جزيل الشكر
السلام عليكم..
أهلا فيكم خواتي الفاضلات..
بصراحة أنا ما عندي خبرة في هذا الموضوع..
ولا سمعت في وحدة ولدت هناك.. انشالله أحد يقدر يفيدكم في هذا الموضوع..

لكن فيه مستشفيات كثيرة كويسة في الرياض..
مع أني ما جربت ولا وحدة منهم.. لكن من تجربة خواتي وصاحباتي..
كثير مدحوا مستشفى الحمادي ومستشفى المملكة..

الله يقومكم بالسلامة يا رب.. طمنونا عنكم..

مبروووووووووووووووووووووووووووووووك سالفا ………………………….. لا تنسين الاسم الحلو ……….وش رايك باسم امممممممممممممممممممممممممممممم ولا اقولك يالله اهم شي تولدين بالسلامه انشالله وهذا المهم

لا تنسين تعزيمنا على التمايم

اوووووه نسيت …على طاري المستشفى الالماني …يابنت الناس مستشفى الماني …او سيرلنكي ..اهم شي تقومين بالسلامه ..ويعطيك العافيه يارب ….

سلام

هذا السنه ماشالله تبارك الله كان عندنا ولادات كثير وزرت جميع المستشفيات…
نبدا بسم الله:
مستشفى التخصصي الطبيعند دكتوره لميا السباعي ولدت فيه صديقتي ومررره تمدحه والغرف حقتهم حلوه وبسيطه
مستشفى المملكه مافيه زحمه ابداااا يعني فاضي وكل الناس يهتمون لك وغرفهم بسيطه
مستشغى الحمادي اتوقع كل حوامل الرياض يتابعون عنده ماشالله تبارك الله عليهم زحمه بس انا مستغربه مع ان العنايه حقتهم مو كويسه بس غرفهم فخمه جدا
مستشفى دله عنايتهم ممتازه عند دكتوره اسمها ممتازه وغرفهم عاديه
مستشفى التأمينات عنايتهم كويسه عند دكتوره اسمها شاهده وغرفهم بسيطه بس المستشفى قديم شوي
اما بالنسبه لسؤالك والله ما اعرف احد ولد هناك
وتولدين بالسلامه ان شاء الله ولا تنسينا من دعائك
وخبريناااا لما تولدين
بصراحة حتى أنا ما أحب مستشفى الحمادي..
أكره عنايتهم.. صاروا من كثر الزحمة عليهم.. ما عاد يهتمون بالمريض..
مثلهم مثل دلة والمشاري.. كلهم عنايتهمصارت أقل من عادية
وأخلاق الممرضات معدومة..

بالنسبة للمملكة.. أكثر من وحدة من أقرب صديقاتي ولدوا فيها..
وكلهم يمدحونها مرة.. وحدة منهم قالت.. (يعاملونك كأنك ملكة)
وبصراحة.. أنا أهم شي عندي بعد العناية الصحية.. هو الأخلاق..

يعني أكون تعبانة ووحدة تنفخ فيني.. بأروح للإدارة وأنا قاعدة أطلق.. وأشتكيها.. خخخخخخخ
راعية شر.. لا بس من جد يا ويل اللي ما يعاملني زين.. لأني المفروض في مستشفى أهلي.. وكمان يتفلسفون !!

عموماً.. هذي كلها تجارب غيري.. أنا بصراحة ما أعرف.. لأني ما جربت !!

ابتعدي عن التامينات لأن تجربتي فيها سيئة جدا ففي ولادتي الأولي مدحوا لي هذه المستشفى وبالأخص شاهدة المهم تابعت الحمل وفي يوم الولادة عند دخولي قسم الطوارئ بعد منتصف الليل فؤجئ زوجي من المسؤلين في قسم الطوارئ بعدم وجود غرف ولادة فارغة وبكل وقاحة وبرود يقول لزوجي خذها لمستشفي اليمامة او الشميسي ولكن بعد مناقشة طويلة وحادة اتت ممرضة وقالت ان هناك غرفة فارغة، ولكنني تعبت كثيرا في الولادة وكان تعاملهم جدا سئ معي وبعد ذلك تابعت حملي الثاني في جدة وارتحت كثيرا ولله الحمد

اكثري من الاستغفار يفرج الله جميع كربك

انا اعرف وحده والده فيه من شهر ومشاء الله تمدح فيهم كل شيئ العنايه قبل الولاده وبعدها والنظافه وايضا الممرضات 0
استخيري وتوكلي على الله
انتبهي من التامينات سئ بجميع المقاييس 00
ولا يطلبون لك دكتورتك 00

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.