هل الحوامض مضرة للحامل ؟؟

السلام عليكم ورحمة الله

ادري بعذبكم .. من حملت وكل يوم اطلع لكم بسالفة جديدة

بس والله معذورة مو مصدقة اول مرة

المهم اخواتي بحكم معرفتكن هل اكل الحوامض ضارة للحوامل ..

مثل الليمون او المانجو الاخضر حلوة مانجو اخضر

او التمر الهندي

ابي الجواب بصراحه اتني كثرت منها

وجزاكم الله الجنة

لا يا حلوومه ياحلوه

ما في ضرر من الحوامض

و انشالله ربي يتمملك حملك على خير

هبه

هلا اختي حلم امرأه
انا حامل وأحب الليمون كثير
وكل ما أحد يشوفني آكل ليمون يقول لي بيطلع ولدي
أصـــــلع
شكرا هبه على الرد

اهلا نايس … اصلع مره وحده هههههه

السلام عليكم …

اختي العزيزة … بالنسبة للحمضيات في فترة الحمل .. أنا جربتها في فترة الوحام و كانت تخفف اللوعان عني .. و مثل ما قالت الاخت قالولي بيطلع ولدج اصلع .. والحين ولدي شعره خفيف وااايد بس احس مب من الحمضيات .. أنا طبيعة شعري جذيه

و قالولي الاناناس مب زين حق الحمال يضر الياهل لانه حار .. بس أنا كلت أناناس والحمدلله ما صار شي ….

كلها خرافات .. اتوكلي على الله و ما بيصير لج شي

"قل لن يصيبنا إلا ما كتب الله لنا"

تحياتي لج

صدقتي اختي ربة بيت

بس تصدقون هذي اول مره اسمع ان اللي تاكل حوامض كثير ولدها يصير اصلع!!!

انا اعرف انالوحام على الحوامض يكون الحمل ولد و الله اعلم

و الحلويات بنت و الله اعلم

و اللي من الله حياه الله المهم الصحه و العافيه

هبه

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.