مين عندها طفل وحامل ترد علي

السلام عليكم
إللي عندها أكثر من طفل يا ريت ترد علي هل لاحظتوا إن الأطفال يتغيروا عند حمل أمهاتهم
يعني أنا عندي بنت ولكن من يوم حملت وهذي صارت لاصقة فيه حتى في النوم والدلع زاد والشقاوة زادت
هل هذا الشيء طبيعي
والله يهديهم

لاإله إلا الله محمد رسول الله

اتمنى من الاخوات اصحاب الخبرة الرد عليها …
غاليتي أم العشرة..

صحيح أنا لسة ما عندي أطفال..
لكن أعتقد أني ممكن أرد عليك من خبرتي في أطفال أخواتي..

هذا الشي جداً طبيعي.. وخاصة أن ابنتك حاسة أن فيه أحد جاي وراح يشاركها فيك..
وما عاد يصير كل شي لها هي وبس .. !!

عموما الدرجة تختلف من طفل لآخر.. وفيه أطفال ما يهتموا أبداً..
لكن مهما اختلفت الدرجة.. فهو شيء طبيعي جدا ..

الله يخلي لك بنتك الأمورة ويتمم لك حملك على خير ان شاء الله

أختك…نورا

عزيزتي ام العشره

سبحان الله اختي الطفل يحس حتى بدون لا تقول له الام وانا لمن كنت حامل حسيت اني حامل من تصرفات بنتي لمن حسيت انها تغيرت علي وايد وبدت تلصق فيني ..

اذا تبين نصيحتي اختي عشان لا تتعبين معاها ولا تغار وايد علميها بحمالج بعد مرور اربع اشهر وحطي ايدها على بطنج وقوليلها في بيبي وهالبيبي بيكون صديق جديد لج ممكن يطلع اخ وممكن يطلع اخت هذا بيد رب العالمين راح تلعبين معاه وراح يساعدج وايد واي وقت تحتاجين شي تلاقينه معاج ،، يعني اختي حبيبيها بالبيبي قبل ما ينولد وبعدين لمن تشترين له الاغراض حاولي تاخذينها معاج تختار لبس له ومميه عشان تقولين لها انتي راح تساعدين البيبي يشرب الحليب لانه ماعنده اسنان ويبينا نساعده عشان لمن يكبر يساعدج ،، طبعا ترتبين افكارج مع بنتج وبعدين تاخذينها معاج عند عمل السونار صدقيني اختي اكلمج عن تجربه وايد انا استفدت وبنتي ماتغار من بنتي الثانيه الا لمن يصير حوالين الجديده ناس فشوي تبدى تغار وتقول هذي اختي مابي احد ياخذها ومن هالكلام وتحب تبين نفسها جدامهم ..

والله يتمم عليج الحمل ويقومج بالسلامه ويخليلج بنوتج واتمنى اني افدتج بشي

هلابج اختى نورتينا

شوفي اختى هذا شيئ طبيعي بمعظم الاطفال وانا صحيح ما عندي اطفال بس من خبرتى مع عيال خالتي..شوفي الشقاوه دليل على الغيره وهذا وارد..اختى بين فتره وثانيه اشتري لها هديه..وذا هي شوى كبيره بسن مدرسه او تعرف القرآئه حاولى تضعين كرت على الهديه وكتبي عليها من البيبى الى اختى الكبيره

المره الثانيه مثل ماقالت خليها تختار الملابس للطفل ..اختى حاولى تاخذين رايها باسم الطفل اذا كان ولد او بنت… ودايما قولى لها انتى الغاليه وانتى الكبيره…من هالكلام…بعد فتره اشتري لها لعبه او دميه على شكل طفل..وهم اكتبي لها من البيبي وعطيها بتفرح كثير وخبريها ان البيبى يحبها…الاطفال يحسوون بالحب لما الشخص يوضح لهم ويخبرهم..

الله يوفقج ويتمم حملج ان شااء الله

السلام عليكم
شكرا لك أختي نورا والجوهرة وفراغ العاطفة بصراحة كلامكم جدا مفيد وإن شاء الله يفيدني
وكل سنة وإنتو طيبين

لاإله إلا الله محمد رسول الله

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.