مغص ليش يعني تعبت

مراحب ياخواتي الغاليات ابي اعرف المغص يسبب اجهاض في الحمل وصار لكم والا لا

لانه صار لي يومين احس بمغص اول يوم كان كله مغص من الليل لين اليوم الثاني واليوم الثاني يخف ويرجع

بس ابي اعرف…….المغص يصير عادي والا لا……؟؟؟؟؟؟

وعندي الم غريب قريب العانة وبعدها صار الالم فوق العانة يعور ليش

طمنوني اخاف يكون حملي خارج الرحم……..تعبت مااعرف شسوي والدكاترة كلهم خرطي ومب

زين اكل حبوب لانه الحبوب بتاثر وانا من 4 ايام ماخذه حبوب الاسهال لانه كان عندي فظيع

بس خف الاسهال وانا خذت حبيتيت وراء بعض وبس

ملاحظة:

تراني حامل بالاسبوع الخامس ……….وظهري اتصير في اوجاع نفس الدورة

وخايفة بس ابي اعرف سبب التشنجات اللي تصير على منطقة العانة والالم …….منو صا لها هالشي

وانا وايد اوسوس واخاف من الحمل خارج الرحم وايد

أختي الفاضلة أنشاء الله ما عندك سو .. المغص الي عندك شنو سببه…؟؟ لو تروحي للدكتورة تشخص حالتك أفضل يمكن تكوني خذيتي برد على بطنك أن كان هذا السبب عليك بالفيكس فكان يحدث لي هذا أثناء حملي.. و لكن الخوف أن يكون المغص متعلق بشيئ أخر ..أما بالنسبة للحمل خارج الرحم فهذ الحمل حسب ما قرأت عنه فهو لا يصل ألى شهرين.. و أنتي حامل في اما شهر ؟
نصيحتي أن تسألي الطبيب في حال أستمرار المغص
الغاليه المغص شي طبيعي في الحمل خصووصا الاشهر الثلاثه الاولى بس على خفيف ..لا توترين وتووكلي على الله ودام ماتنزل عليج افرازات اطمني ..خير ان شاءالله
مشكورات خواتي بس ممكن اعرف اعراض الجنين الميت

يعني الام حامل وماتعرف اننه في رحمها جنين ميت

كيف نقدر نعرف انا صديقتي اتقول الحامل اللي يصير لها اسهال وايد احتمال الجنيني ميت

الله يتمم لج على خير ويبعد عنج هالوساوس

منو قال ان الاسهال يدل على ان الجنين ميت ؟ تأليف غريب هههه

اصبري ان شاء الله بعده الحمل في بدايته خذي فوليك اسيد ووكلي امرج لرب العالمين

مشكورة يااختي لينا
حبيبتي باذن الله مافيج الا الخير بس لا توسوسين
انا ما الومج لاني منت خاايفه وايد اول ما حملت و كنت احس بالم اسفل الرحم و كان مخوفني انشالله تتاكدين و تطمنينا
دعواتج لي
لا تخافين يا أختي من المغص. المغص و الإسهال أمران طبيعيان في بداية الحمل. و الألم اللي تحسين فيه تحت بعد طبيعي جدا.
و كلنا مثلك كنا نحاتي و نفكر بأمور ثانية مثل الجنين الميت و حمل خارج الرحم و الصراحة هذا كله سببه إن إحنا أول ما
نحمل ما نخلي موضوع في الإنترنت إلا و نقراه و بعدين نحس إن هذي الحالة تطبق علينا. أنا الصراحة علشان أخفف التوتر
اللي صابني في بداية الحمل, خذت راحة من الإنترنت حتى وصلت الشهر الثالث, و صدقيني كل الأعراض الغريبة راحت عني و
نفسيتي هدت.

إرتاحي و كل شي تمام بإذن الله و لا توسوسين وايد.

الاخت العزيزه

انا من رأي الاخوات اللي طمنوكي و قالولك لا تخافي

و هالالم شي طبيعي في اول شهور للحمل اهم شي انو ما يصاحب هذا الالم نزول دم

و ربنا يثبتلك حملك و يتمملك بالخير يارب

هبه

المشاركة الأصلية كتبت بواسطة وجوونه  

هلا بك حبيبتي وبالبررركه والله يتمم لك على خير

وانا بعد تووني في بداية حملي ويجيني مغص في اسفل بطني وظهري مثل الم الدورة

لدرجة قبل ما اعرف اني حامل كل شووي اتحررى الدورة من قوة المغص

والكل قال لي انه شئ عااادي

لا تخااافين مادام مافيه دم او اي شئ انشاء الله خير

واتوقع لو هو حامل خارج الرحم الاطباء بامر الله بيبااان لهم

تمعتي بفتررة حملك وانتبهي لنفسك

ولك مني اجمل الدعوااات

نقلته من الموضوع الثاني لنفس العضوه

هبه

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.