مستشفى ولاده في الرياض

السلام عليكم ورحمة الله وبركاته

وش أحسن مستشفى ولاده في الرياض لأني على وشك ولاده ودي أعرف أحسن مستشفى من حيث العنايه والاهتمام ومن حيث كفاءة الدكاتره في الولاده …
أرجو الرد من البنات اللي جربوا أو يعرفوا بنات جربوا الولاده …….

الله يهون عليك ويسهل ولادتك

والله انا ماجربت ادعي لييييي تكفييييي

احسن شي سمعت عنه الحمادي والدكتوره دعد

وفي هذا الجديد اسمع السعودي البريطاني الي بطريق الملك فهد جديد

بس شكله حلو ادعي لي احمل واولد فيه

انا بصراحه ولدت بقوى الامن مرة حلو واهتمامهم ومتابعتهم جدا رائعه
بصراحه انا ما اعترف بغير الحكوميه حتى لو بفلوس مثل مدينة الملك فهد الطبية يمدحونها واجد

اذا ماعندك ملف عندهم تولدي بفلوسك الطبيعي ب5000ريال ، والقيصري 10000ريال

مشكوره إختي على الرد …
أنا بصراحه ما تهمني الماده أهم شي الرعايه والاهتمام والكفاءه..
وش رايك بمدينة الملك فهد الطبيه من ناحية الاهتمام والرعايه والكفاءه؟؟
أرجوا الرد عن تجربه شخصيه للمستشفى
انا تابعت عند الحبيب .. وولدت في دلة .. مرة ممتاز من ناحية الرعاية ..
ياشيخة التتسهيلات من رب العالمين والمستشفيات كلهم تمام انشالله
اختي

انا بعرف وحده ولدت في دلة

ومدحته و قالت عنه ممتاز جدا

بنات مين اللي جربت و عندها معلومات عن مدينة الملك فهد الطبيه (الحرس)بالرياض بس تكون مجربه المستشفى من وقت قريب…….تقول لي رايها في المستشفى من حيث عنايتهم وإهتمامهم وكفائتهم وقت الولاده وقبل وبعد
المشاركة الأصلية كتبت بواسطة al_amal_22

بنات مين اللي جربت و عندها معلومات عن مدينة الملك فهد الطبيه (الحرس)بالرياض بس تكون مجربه المستشفى من وقت قريب…….تقول لي رايها في المستشفى من حيث عنايتهم وإهتمامهم وكفائتهم وقت الولاده وقبل وبعد

هلا حبيبتي الأمل

بالنسبة لمستشفى الملك فهد للحرس تختلف عن مدينة الملك فهد الطبية

وبالنسبة لحق الحرس زوجة اخوي ما تولد الا فيها لأنها مدرسة بمدارس الحرس وولدت عندهم ثلاث ولادات

تقول ممتازه جدا وكأنك في أهلي من العناية ومتابعة الحمل

وبالنسبة لمدينة الملك فهد الطبية بنت اختي ولدت فيها قبل سنتان وتقول رائعه بمعنى الكلمة

بس الآن صارو ما يقبلون مجاني إلا اللي عندها ملف

أو انها تولد بفلوسها

وفتح الملف عندهم صعبه شوي يعني اما بواسطه

أو بتحويل من مركز صحي او مستشفى حكومي وبشرط يشرحون حالته كالولاده القيصيري أو فقر الدم الشديد او تشوهات الرحم …. الخ

هذا اللي أعرفه

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.