مستشفى الكــــــــــــــورنيش أبوظبي

بنات منو فيكم جربت تولد في مستشفى الكورنيش تدخل وتتكلم بخصوص

1- لما يكون موعد الولادة قرب وحست بالاعراض وعلى طول طبعا بياخذها ريلها مستشفى الكورنيش….بس وين تروحين بالضبط الطوارئ والا العيادة الخارجية…..

وتروحين مع ريلج والا تنتظرين فالسيارة ويبون لج كرسي والا اشلون اجكوا لي القصة لين توصلون غرفة الولادة عشان مانتوه انا وريلي ومشكورات يالغاليات…….

وشو رايكم في الغرف العادية وكم وحده ترقد معاج في الغرفة 2 او اربع …..

ومنو جربت ترقد بغرفة خاصة ………..أفيدوني بلييييييييييز

عبير ما اقدر افيدك بخصوص مستشفى الكورنيش لاني في دوله اخرى … بس اللي اعرفه انك تروحي الطوارئ على طول وهناك يدخلوك انتي وزوجك يقعد خارج… وحكايه الكرسي والغرف والمرافقين بحسب نظام كل مستشفى.
وتحياتي
شوفي ياستي انت اول ماتحسين بالطلق لاوم تسيرين الطوارئ و طبعا بيكشون عليج كم سم مفتوح عندج و بيحطولج جهااز تخطيط الطلق

و بعدها اذا شافوج قربتي على الولادة بيحطوج بغرفة و لين مايشوفوج خلاص فعلا قربتي بيحولوج على عنبر الولادة

و بخصوص الكرسي اذا كنت تقدرين تمشين عاادي تمشين لين الطوارئ لكن لو ماقدرت او كان ينزل منج ماي و او دم و مستحية تمشين خلي ريلج يجيب كرسي لج

و بخصوص الغرف طبعا بيحطووج بغرفة فيها شخص وااحد لو كنت مواطنة وا ذا كنت وافدة بيخلونج بغرفة مشتركة عاااد انت و حظج

و بخصوص اذا كنت مواطنة اذا ريلج هاااوشهم يقدرون يحولونج غرفة بروحج بس اهم شي ريلج تكوون عينه حمرا معاهم

و بخصوص الغرفة الخاصة طبعا افضل لج لانه عناية و اكل افضل لج
و باليوم الواحد تدفعين 500 درهم و اذا كنت والدة طبيعي تقدرين تنامين يوم او يومين بس اما اذا ولدتي قيصري تمين عندهم بالمستشفى لمدة اربع ايام (( مثل اخت زوجي ))

و اي سؤال انا حاضرة

مشكورة اعصار ،،
عبير الحب ،، اهم نصيحة قالتها اعصار ان زوجج لازم يكون جاد وحازم في كلامه معاهم ،، يعني يصارخ عليهم ولكن بأدب ،،
يعني لا يقول كلمة مني مناك ،، ولكن يكون عصبي،
لان صدق اكتشفت ان هالشي يمشي معاهم خاصتا المستشفيات
انا مستشفى الزهراء ،، الله يسامحهم كانوا يبون يلعوزوني في المصاريف ،، قام ريلي يصارخ عليهم ،، اونه انا مسؤول المكان الفلاني اذا ما سويتولنا جي وجي وجي ،، راح اشيل منكم التامين والى آخره ، أنا ما قدرت ازخ عمري ونقعت ضحك عليه ،، لانهم بالاخير؟؟!!!
سمعوا كلامنا ،،
مشكورات يالغاليات عالردود الحلوة ……….وانشاء الله مابنسى النصايح بس المشكلة زوجي يعرف يعصب ويصارخ فالبيت جدام الناس عصفور برئ …………بس بخليه يقرا ردودكم عشان يعرف المريلة برع موب فالبيت عشان راحتي لانها اهم شي ………
فعلا خواتي العين الحمره تمشي معاهم …… وبالنسبة حبيبتي عبير الحب لستشفى الكورنيش أعصار جاوبته كله … أمي لما ربت ….. خذت غرفة لوحدها… ودفع 500 حق الليله …. وهي رقدة ليلتين يعني ألف …. وأنا رقدة عندها عاملوها عناية خاصة
… المهم أنا في حملي أهلي ودوني الكورنيش بس زوجي حولني لمستشفى الرحبة أقرب لبيتنا ….. ومشاء الله مستشفى الرحبه بعد عناية خاصة …. صح أنها مو متخصصة بس أحسها نظيفة … ومرتبه …. بس لمى كنت في البداية في الكورنيش كان تعاملهم زفة
وماعجبني يمكن لكثرة الحوامل عندهم …… وحسيت الحمامات قديمة ….. ونيرسات موب لهناك ….. بس فينا ناس تأيد هذا
وفي ناس تأيدك هذاك …… يعني صهراتي اثنين في الكورنيش يقولون أوكي … ومشاء الله عليج عبير …. من الحين تحسبين حساب
لليوم الموعود خخخخخ
فديت روحج يامراسيل انا اصلا مب مهتمة للموضوع بس ريلي هو اللي مستعجل ويبي يعرف كل شي وكله يقول هاه دخلتي المنتدى كتبتي لصديقاتج الاسئلة….جاوبوج والا لا؟؟؟؟؟؟؟؟؟؟؟؟

وايد مزعج يحب يستفسر بس مافيني اردله طلب ………….وانا عن نفسي مالي نفس بشي ابي اولد واكون بخير انا والنونو وبس وهو مضايق يقول منو بيكون معاج ……….ومنو بيساعدج ………ومستحيل اتساعدين نفسج بنفسج……….وانا اقوله ياريال انا متوكله عالله ومن ثم عليك والباقي على الممرضات…………وسامحوني ازعجكم وايد بسوالفي

عادي حبيبتي عبير لا تتضايقين ….. هو لو مومهتم فيج ما كان قال جذي … أنا زوجي مهتم ويخاف علي بس أحسه …

موفرحان بالبيبي ….. يمكن خايف البيبي ياخذني منه ههههه ….. وكله أخوفه أقوله وقت الولادة أباك تكون معاي …. وهو بس يكتفي بنظره عشان يرد علي ههههه … عارفه ما راح يقدر يشوفني في محنة خاصة أنه قلبه رهيف فديته ….

وبالنسبة من يرقد معاج أحسج حبيبتي مهمومه من الناحية هذي …. فديتج أنا ….. النيرسات ممكن يساعدونج موشرط أحد يرقد
وقلتلج أمي رقدة يومين في المستشفى وما كان معاها أحد أمها عايشة برع وجدتي أم أبوي أنسانه كبيرة في العمر .. وما تقدر على مسوولية زي جذي ….. لكن اليوم الثاني أنا رقدة معاها وسهرتها لليل سوالف وحكي …. فديتها أمي …. راح تصير جده عن قريب ..
ودمتم سالمين …….

ياعمري يامراسيل……..عسى ربي يكرمج بالذرية الصالحة واتشوفين النونو سليم معافى بين ايدج …..وتقومين انتي بالسلامة واتكون ولادتج طبيعي وميسرة يارب…………..الله يسهل علينا ………ويحليل امج بتكون جده …….فديتها انا……سلمي على امج واااااااااااااااااااااااااااااااااااااااايد
الله يسهل عليج ياااااااااارب …………….

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.