كيف ترفع الحامل نسبة الدم لديها بطريقه طبيعيه

السلام عليكم ورحمة الله وبركاته

ممكن أعرف أهم الفواكه والخضروات او اي نوع من الاكل يكون له دور كبير لرفع نسبة الدم أثناء الحمل لان عندي أختى حامل وعندها نقص دم وكانوا يبون ينقلون لها دم بس أهية خافت

شوفي انا اقولج لا تروح تاخذ دم من حد ولا غيره

على الغدا خليها تاكل اكبر نسبة من الخس او الرويد بس الخس مفيد فيه عنصر الحديد المغذي للدم ويزيد نسبته

والعشا خليها تضرب عالخس ومع الطماط وماتحط عليه ملح بس تعصر عليه ليمون شوي وتخلطهم وتاكلهم على الغدا او العشا

وبالليل عاساعة 10 او تسع مثلا خليها تضرب على فراولة وبرتقال بس تاكل كمية مناسبة وكبيرة مثلا 2 برتقال والفراولة على حسب رغبتها

يوميا ولازم ما يفوتها يوم بدون ماتاكل الخس والطماط

واهم شي الريوق خليها تاكل سمون اسمر وتحط داخله مربي والاحلى مربي الفراولة وتاكل من الصبح مع الشاي وتاخذ لها تفاحة

وطبعا السمون الاسمر مهم جدااااااااااااااااااااااااااااااااااااا للحامل

وصراحة هذي نصيحة من الخاطر واسمحيلنا

ما شاء الله اختي عبير الحب ما قصرت كفت ووفت بس حبيت اضيف عليها ان اكل البقدونس يرفع من مستوى الدم هذه المعلومه سمعتها من احدى صديقاتي وعن تجربه كذلك تناول ثمرة الكيوي
تحياتي لكم
صدى النورس
وعلى فكرة خليها بالاسبوع مثلا تتغدى مرتين لحم لانه واااااااااااااااايد مفيد ويغذي والباقي تنوع سمك دياي وااايد اوكيك

ولازم تاكل بيض واذا ماتحب البيض تاكل زيتون اللي مخلل في العلب لانه الحبة الوحدة تضاعف عن ثلاث بيضات ومفيدة وااايد

وصح البقدونس مفيد بس انا ماجربت اكله بفترة الحمل والجرجير بعد مهم وااااااايد بس ماتكثرين منه وخاصة بالشهور الاولى للحمل

وعلى فكرة اذا اختج تتغدى على شي فيه عنصر الحديد لا تخلينها تشرب شاي او قهوة بعد الغدا او العشا لانه مب زين يمتص الحديد كله

عنها………..يعني عشان تضمن امتصاص نسبة الحديد في الدم خليها تاكل برتقالة او تشرب عصير برتقال بعد الغدا بساعة تقريبا

وانشاء اللهه ربي يحفظنا انا بروحي باالشهر الثالث والله يعينا جميعا

السلام عليكم

عزيزتى اهم شى التمر
وحدة قالوا لها الدم عندك ناقص مرة الزيارة الجاية بننقل لك دم لو ما اتحسن
السكينة ما كانت تبغى لانها باروبا وكنت تخاف من التلوثت الى تصير
المهم اكلت تمر بكمية كبيرة…… الحمد لله راحت المستشفى قالوا لها ما تحتاجى الحين

انا بعد مع الاخت اميرا
انا خالتي كانت بالشهر الثالث و قالولها انه عندها فقر دم و النسبة كانت واصلة 7 و الله
فاكلت تمر و ايد و حليب و مافي ثلاث اسابيع و راحت موعدهاو سوولها فحص دم و طلعت نتيجتها 13 فالدكتوووورة وااايد استغربت
فانصج بالتمر وااايد يمدحونه
فعلا التمر والرطب من افضل الطرق لرفع نسبة الدم
وهناك اطعمه مثل الجرجير والسبانخ والبقدونس والبنجر والكبده المشويه قليلا والعصيرات عموما وخاصة الطماطم

كلها ترفع نسبة الدم ولكن يجب المواظبه عليها يوميا او على اغلبها بمعنى اصح

والله يعين الجميع على نقص الدم مشكله تواجه الحوامل بشكل غير طبيعي

والله انا خايفة
اليوم رحت راجعت عند الدكتورة
وقالت لي تعالي بعد ثلاثة اسابيع
لو ماتحسنت نسبة الدم
نعطيك ابر ومغذي
وقالت لي كلي
تمر وكبدة وعنب
وانا في الإسبوع 31
ادعولي

بس اللي اعرفه انه يقولونه الكبد مب زينه حق الحامل
حبيبتي الكبد مووو زين حق الحامل في الشهووور الاولى
لانه متوفر فيه فيتامين الف بكثرة مما يسبب تشوهات للجنين
و الجرجير بعد موو زين في الاشهر الاولى لانه يسبب اجهاض

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.