فترة النفاس وين أقضيها ؟؟؟ شاركوني آرائكم

سلااااااام لكل حبيباتي ..

أنا الحين في الشهر الثامن وحامل أول مرة.. ومابقى لي شي خلاص قربت للولادة ومحتارة وين أقضي فترة نفاسي ؟؟؟

بتقولوا لي عند أمك .. بقول لكم أمي متوفية الله يرحمها من 10 سنوات وفقدانها حيل مألمني ومحتاجة لها خصوصاً في هذه الفترة لكن الحمد لله على كل حال …
المشكلة إن زوجة أبوي الجديدة اللي تزوجها أبوي بعد وفاة أمي بشهور تبيني أجي عندها في فترة نفاسي يعني في بيت أبوي .. بس الهم الكبير إنه مافي غرف فاضية بالبيت .. مافيه إلا المجلس .. وأنا أكيد مستحيل أرتاح في المجلس وأقضي أربعيني فيه .. مهما كان هذا مش غرفة نوم ومش مريح نفسياً .. الهم الثاني أخت زوجي اللي هي تكون زوجة عمي في نفس الوقت خاطرها ومنى عينها ياقلبي أروح عندها بعد ولادتي .. والله إنها عسل وتحبني كثير ومعتبرتني وحدة من بناتها ..وأنا ودي أروح عندها بس خايفة أبوي يزعل مني ويقول تركت بيت أبوها وراحت لبيت عمها ..

الهم الثالث إني قلت لابروح هنا ولا هناك .. برجع لشقتي أحسن .. عندي غرفة فاضية أنظفها وأحط فيها سريري وسرير النونو وأصير أستقبل ضيوفي في الشقة عندي .. بس بعد أفكر إنه صعبة لأني لحد الحين ماجهزتها ولا نظفتها ولا ركبت لها تكييف حتى ..

ساعدوني وإقترحوا علي أنامن جد محتارة ومو عارفة أيش أسوي وكيف أتصرف وكلما تذكرت أمي بهذا الموقف تهل دموعي مثل الطفلة الصغيرة اللي مابيدها حيلة …………….

هاااااااااااااااا وش قلتوا ؟؟؟؟؟
ترى أنا أنتظركم ..

????????????????????????????????
السلام عليكم ورحمة الله وبركاته ,

اختي العزيزة الله يرحم أمك وانشالله الله بعوضك خير , بس أنا رأيي إنك ما راح ترتاحي إلا في بيتك وقت ما بدك تنامي وقت ما بدك تروحي عالحمام بعدين حتكونين نفاس ومحتاجة للراحة يا عمري
الله يقومك بالسلامة

خلاص حبيبتي اجلسي في بيتك وتراء يمدي لو كل اسبوع تجهزي شي في الغرفه والله يمدي
وتقدري تخلي زوجة عمك تنام معاك في بدايه الاسبوع الاول من الولاده او انها تجي من الصبح الى الليل تشوف طلباتك وتستقبل الناس معاك ونفس الشي الى مرت ابوك علشان لا احد يزعل
وان شاء تقومي بسلامه ياماما الصغيره
شوفي ياحبيبتي انا زيج والله ويمكن بستغربين

بيت اهلي صغير مافي غرف الا المجلس ولا اقدر اقعد فيه لان ازعاج ولا جنبه حمام قريب

ولافي احد ينام معاي لان المدارس بتبتدي وخواتي مايقدرون ينامون وقت المدارس

ولاعندي شغاله ولا ادري الصراحه شقتي مره اريح لي وكل شي جنبي ولاني انشاءالله بجيب توأم

غلى شان كذا مابي اتبهذل في مكاني بس لازم احد ينام معاي

وانتي بعد لاتحاتين اهم شي مكان ترتاحين فيه

اوكيه وطمنيني ايش يصير

أأحسن مكان شقتج
وخلي زوجة عمج تنام عندج
وطمنينا عنج
حبيباتي شكراً لأنكم أفدتوني .. والله أنا في حيرة من أمري .. الله يسهل ويسوي اللي فيه الخير .. مع العلم إن زوجة عمي ماتقدر مسكينة تترك بيتها وتجي تنام عندي كثير صعبة عليها لأن عندها أولاد كثير محتاجين الرعاية منها …
حبيبتى شوفى انت فى اى بيت ترتاحين انا عارفة ان راحة الواحدة فى بيتها بس انت بتقولى ان لسة بيتك ما ترتب وبعدين اهم شئ ان مافية مكيف هيبقى صعب جدااااااااااا انك تقعدى فية

لو انت حابة انك تقعدى عند عمتك ( اخت زوجك) احكى مع ابوكى وفهمية ان مرات ابوكى عايزاكى تقعدى معاهم بس انت صعبانة هى عليكى من كثرة الاولاد الله يخلى والمدارس على الابواب اكيد ابوكى بيتفهم الامر وما بيزعل اقعدى اسبوع عند عمتك واسبوع عند ابوكى او فى اخر النفاس روحى عند ابوكى علشان ما يحس انة مقصر معاكى

وفى الاول والاخر القرار قرارك الله يقومنا كلنا بالف سلامة ويرزقنا الخلف الصالح السالم المتعافى

ماما الصغيرة الغالية

صدقيني بيتك اريحلك من كل بيوت العالم اقل شي فكري ان كل شي امامك وتحت تصرفك

حاولي تجهزي غرفتك بلمسة بسيطة وصدقيني انها راح تكون كفاية انها تضيع لك الوقت الطويل في انتظار الولادة

الحمد لله ان في من يعينك ومن يريد اعانتك وعمتك او قريبتك جزاها الله الف خير

وانت قلتي انها ما تقدر تنزل عنك وهذا شي طبيعي بيعين الله

حتى لو رحتي ليها ما راح تكوني مرتاحة وايما راح تحسي انك عالة لا سمح الله او انك مضايقتهم

التكييف ما ادري النظام عندكم بس اللي بعرفه ان النفساء والبيبي مو لازم يتعرضون لتيارات باردة

توكلي على الله

والله المعين

انا حابة اولد ببيتي وبيتي صغير غرفة نوم وغرف(ة معيشة وصالة بس وانا محتارة كمان لاني في السابع وين اجلس

في غرفتي واحط سرير البيبي جنبي

والا في غفة المعيشة الصغيرة واخصصها للنسوة

والا في الصالة اللي خايفة ان الرجال يجوا يباركوا لزوجي ان شاء الله

المهم ياريت تاخذي قرارك والله يطمنك

وتصدقين اني احبك في الله

مشكورة رونا حبيبتي على المرور الغالي وكلامك الحلو ..

أم حنين والله انك صادقة ان الوحدة ماترتاح الا في بيتها ويكون كل شي تحت تصرفها غير كذا تاخذ راحتها في كل شي .. وقرايبي ان شاء الله ماراح يقصروا عني .. الله يسعد لك ايامك والله اثلجتي صدري بكلامك العسل الله يجعل كل هذا في ميزان حسناتك يالغالية .. والله حتى أنا أحبك في الله وإحنا في هالمنتدى ناخذ النصيحة من بعضنا ونشكي لبعضنا ونفهم بعضنا ..

الله لا يحرمنا من محبة بعض ..

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.