ضيعت زوجها بعد الولادة .حرام

..

——————————————————————————–

اللي ضيعت زوجها بعد الولاده
موضوع قرأته و أعجبني وحستفيد منه في المستقبل ***** الله وحبيتكم تستفيدو منه كمان لانه مهم ويغيب عن بال الكثير.

وهو بخصوص الحمل والولاده والنفاس …. يا أميرات …. لاتمشون مع الخيل يا شقره وتنفذون قوانين مالها داعي ولها أثر على حياتكم

بالنسبة للنفاس مدري ليش تتخيلون أنه سجن .وتنحبسون 40 يوم بالبيت …. ناهيك عن الحلبه والسفوف اللي ريحتها تجيب الهم .

ترى والله كلها كلام فاضي وعلي أنا لا تخافين من الخراب إذا ما أخذتيها …إلا بالع**** الخراب هو خراب البيوت أن جينا للحق .

والله يا حبيبتي ثلاث أرباع الأزواج يخربون مع حمل الزوجه ونفاسها .
أنا أقولك السبب ::::::

لأننا مع الحمل تصير اشكالنا غلط …ويزيد إهمالنا لأنفسنا ولبيتنا وننسى الرجال … تدرين أنها سنه تمر من حياتنا بعاد عن الزوج ؟

9 شهور حمل ..و 40 يوم نفاس …وتروح الحرمه عاد تنام عند أهلها …. وليتها تاركه لزوجها ذكرى حلوه عنها قبل لا تغيب عن عيونه … وآخر خبره فيها …كوره منتفخه وكلف وسواد ..ونفس شينه … وتشكي وتعب .

يعني وش تتوقعون الرجال يبي يسوي كل هالفتره ؟ يبي ينتظر الطفل ويحلم بعيونه ؟ ولا يبي يشغل نفسه بتجهيزات الولاده والنفاس وجهاز البيبي ؟

طبعاً الرجل طول عمره ما يفكر إلا بنفسه … وصعب يفكر مثل ما نفكر .

حنا نواسي نفسنا ونقول بعد النفاس نبي نقلب حياتنا كلها وهذي فترة مؤقته وبعدين أروح الصالون وأغير لون شعري وأتصنفر ..وأنسيه كل اللي راح وأعوضه .

أما الرجال يفكر بطريقه ثانيه …….. يقول خليني أمتع نفسي واتسلى لحد ما الست الهانم تخلص من همها وتفكنا .

هو يعتقد انه يتسلى ولكنه سهل جداً يطيح بالحفرة ويجرك معاه بحفرة اكبر وأعمق . ممكن جداً يقارن بينك وبين أي وحده يشوفها أو يشم عطرها .

مهما كان يحبك يا حلوه …… مدة سنه كافية جداً أنها تنسيه وتلغي كل شي حلو فيك .

حبيبتي … أي وحده تحمل ……. تبدأ مع زوجها خطوه خطوه … وتشغله معاها بحملها وتقربه منها أكثر وأكثر …وتزيد في جرعات الحنان وتثير خياله دايم بالطفل الجديد … تطلب منه يشتري ملابس للبيبي على مزاجه …
تهتم بشكلها وزينتها وريحتها الحلوه … تشغله فيها ومعاها . تعبي البيت صور أطفال …وتخليه يختار الصوره اللي تعجبه والإسم اللي مفكر فيه .

تاخذه معاها للمراجعات …وتسمعه نبضات الجنين .
تكتب له رسايل على جواله من البيبي وأنه مشتاق لبابا .
تناديه في البيت يا بابا عشان يحس بطعمها ويتحمس …وكل شهر تبتكر حركه جديده تحرك مشاعره الأبويه خليه يحس فيك بس لا يحس بالمعاناة والتأوه والتعب كثير لا بالع**** لازم تحسسيه أن الحمل شي جميل وممتع وروح تتحرك بأحشائك خليه يحس كأنها باحشائه هو مو أنت .
دوووم ابتسمي وكون اسعد حااامل في العالم
ووقت الولاده … اطلبي منه يصور البيبي فور نزوله … ومو لازم يدخل ويشوف معاناتك خليه ينتظر واحرصي ان ينتظرك لأنك تحتاجينه يكون موجود وهذا بيريحك .

تابعوا معي عن وقت النفاس ::

وقت النفاس:::::::::: إحذري من النوم عند الماما

نامي اسبوع واحد فقط وهذا كاااافي جداً جداً …مو شرط تنامين 40 يوم …وحافظي على بيتك وزوجك

استأجري خدامه تساعدك على البيبي وهذا ضروري جداً جداً .

جهزي غرفة للبيبي بجميع المستلزمات …..ونيمي الخدامه فيها …

طبعاً أول شهرين ضروري ينام الطفل مع أمه …. وبالنهار أعطي الخدامه الطفل …وروحي نامي واشبعي نوم .

بعدين قومي خذي شور دافي وانتعشي …وتطيبي ..وتدهني كلللللللل يوووووووم ضروري جداً جداً .ولا تقولين استشم …بلاش كلام عجايز …أنا الحمدالله جايبه 4 ولا اتحمم إلا بجل شور من بودي شوب وأتدهن بأحلى الروائح وأتعطر .

رتبي غرفتك وزينيها بالورد حق المستشفى … واهتمي بشكلك ونضافتك ترى هذا له طابع خاص في مخيلة زوجك
خليه يتمنى اليوم اللي تخلصين فيه النفاس عشان يلتهمك التهام … بكذا تبقين في باله ويحسب الساعات عشان تخلصين من النفاس .

احرصي انه ما يشوفك ولا يشوف البيبي إلا وأنتم تفوحون من النظافه والكشخه …تفنني بشراء قمصان أنيقه للنفاس مع الأرواب الدانتيل الراقيه .

ولفي الطفل بألوان هاديه وأنيقه …وأبعدي عن الملون ترى البيج والأبيض أرقى .
ألبسي خواتم وحطي مناكير أحمر … وشيلي شعر جسمك لا توفرينه لبعد الأربعين ترى مو شطاره …
لازم تكونين نظيفه وتلمعين دايم بعيون زوجك .

وبعد ما تخلصين من النفاس ……يكون زوجك في قمة سعادته وينتظر هاليوم بفاغ الصبر .

روحي وسوي حمام مغربي وصنفره وغيري لون شعرك أحمر ولا اصفر ولا هاي لايت … أي شي غريب جداً ويليق عليك .. سويلك غره مدرجه ونزليها على عيونك ووجهك …
يومها لا تلبسين قميص نوم جديد ترى بطلت هالموضه …

البسي روب طويل بدون شي ..أو ملابس داخليه ولصقي على كل جسمك كرستالات …كثري منها

حطي رووج مع ملمع بلون قوي ومثير ..

تعطري طبعاً .
وذيك الليله طفلك مع الخدامه طبعاً …ينام ( ونوم العوافي )

حقيقي أعجبني هذا الموضوعكثير وأتنمى يعجبكم أنتظر أرائكم حبيباتي على الموضوع وإللي عندها راي تضيفة عشان نستفيد منه كلنا وشكرا مقدما

ياااااااااه ياأم سامي عن جد أنتي روعة .. الله يعطيك العافية .. فعلاً هذا الكلام الصح وصح لسان اللي قالته .. كثير من الحريم اللي يهديهم تضيع زوجها في فترة حملها وفي ولادتها وحتى فترة النفاس .. وأحياناً تمتد لفترة بعد النفاس .. لله دره هالزوج مسكين .. بيتحمل أيش أو أيش ؟؟

جزاك الله خير على نقل الموضوع ..

موضوع جميل جدا ومهم لكل حامل
كل الافكار الى زكرتيها جميلة
باركة الله فيك
يسلمووووووووووو حبيباتييييييييييييي
الف الشكر لك ع الموضوع الراائع

ولكن لظروف أحكآم

وليس كل الرجال نفس بعض

( أصابعك ماهي سوآآ )

أنا طول حملي السابق عند أهلي لاني اسوي ربط وتعب
ولااقدر اتحرك ,,

فمثل مااقلت لك الظروف أحكآم

واللي يبي الدح ماايقول أح وانا أختك

شاكره طرحك

والله يثبت حملنآ ’’

هههههههههههه و الله معاك حق اختي! الجوهره !

واللي يبي الدح ماايقول أح

السلام عليكم ورحمة الله وبركاته
مشكورة حبيبتي ام سامي على الموضوع الحلو
وانا اقول لا تلومي المرءة اذا اهملت نفسها
وقت النفاس قد تكون تعب الولادة ما نستة او تكون ولادتها متعسرة وبعضهم يكرهون الزوج لانة السبب في معناتهم وحملهم وولادتهم
اهم حاجة يكون الزوج متفهم ويحبها في كل وقت
مشكووووووره ياقمر انا معاك وكل وحده وظروفها
والازواج انواع طبعا
بس صعبهه اامن طفلي عند الشغاله مهما كانت خصوصا من هالقصص اللي نسمعها
مرحبا ام سامي
يختي كلامك على العين والراس بس بعد الرجال مو كلهم سوا
والحريم نفس الشي
في بعضهم الله يهديهم تلقينهاااااااااا من تحمل خلاص تصير كنه حرمه كبيره لاتتزين لاشي
وفي ناس عندهم حتى شعر الجسم يخلونه والحواجب لا تتشقر ولاشي
كله على اساس انها حامل واذا طلعت من النفاس تتضبط
صح انا ما الوم الحرمه الحامل لاني انا قاعده امر في هذا الشي
في يوم ماتقدرين تسوين ولاشي منتي قادره من التعب بس مع هذا لازم الواحد يترتب ويتزين
بس مسئلت انو وقت النفاس لاتنام عند اهلهااااااااااااااا!!!!
ما ادري اتوقع الي مجربه الحمل والولاده اكثر من مره عادي
بس الي اول مره حيل صعبه بعدين حلوووو انك في فترة النفاس تكونين عند اهلك لانك بتكونين محتاجه لراحه
وطبعا النفسيه بتكون انواع القلق
بتكونين محتاجه احد يخدمك مو تخدمينه
وقت النفاس حلو انه تبعدين شوي عشان يتغير الروتين حقكم وتشتاقون لبعض خصوصا الي ما عمرها اتركت زوجها وكل شوي منطنطه لبيت اهلها تنام عندهم صح
وارجع واقولك انه الرجال مب كلهم سوا
ومن قال انه مايفكر الا بنفسه!!! لكل قاعده شواذ
الله يدوم المحبه بين كل الازواج ويسعدهم ويوفقهم ولا يغير عليهم
ولاتنسوني من الدعاء ان الله يسهل علي ولادتي ويرزقني بالطفل السليم كامل الخلقه والخلقه اللهم امين
الحمد لله زوجي معاي في كل شي في حمالي حتى حواجبي و الله يحفني ويكلم الجنين ويبوسه والحمد لله بس في بدايه الاشهر ماهتميت بحالي لاني كنت اتوحم وتعبانه
بس الحين من بعد الشهر الرابع وخاصتا من الخامس عوضتا عن كل الى فات الى الحين واني مهتمه بزوجي لاني حاطه في بالي فتره الولاده باكون شوي بعيده عنه
والله يكتب الى فيه الخير

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.