صديقة جديدة حامل تبي مساندتكم

سلام عليكم بنات …

الصراحة هذه اول دخلة لي في ملتقى الحوامل…..

كنت في ملتقى تأخر الانجاب …لكن الله عز وجل من علي بالحمل….وقلت ….

حان الوقت اروح لهذا الملتقى ..بس بنات تكفون ..اني جديدة …. وما اعرف احد إلا القليل القليل من البنات … ومثل الشي

مااعرف شي عن الحمل ….

ارجوكم ساعدوني ووقفو وياي عشان اكمل معاكم التسعة اشهر …… واكثر بعد ……

ان شاء الله اكون صديقة خفيفه عليكم …استفيد منكم وتستفيدون مني…..

ماابي اطول عليكم بس لا تردوني ….

ام ريم

السلام عليكم ورحمة الله وبركاتة

اهلا ومرحبا فيج يالغالية حاضرين ان شاء الله مب امقصرين وياج باذن الله تعالى والله يعنا ويعينج على تعب الحمل وحلاوتة الزايدة

اختج ناسف

هلا هلا بام ريم معانا

و منوره القسم كله

و انت اي سؤال تبي له جواب ترانا حاضرين و ما نقصر ابدا

بس انت خليكي معانا على طول و ما تقطعينا

هبه

هلا والله بحبيبتي أم ريم..

ألف مبروووك مرة ثانية على الحمل..

والله يتمم لك حملك على خير يا رب..

لا تترددين حبيبتي.. اي سؤال احنا جاهزين..

نبي نعيش معاك لحظات حملك يوم بيوم..

ونعرف كل شي يصير لك..

تطورات حملك..

حساسك..

تغيرات جسمك..

كبر بطنك..

حتى مواعيدك مع الدكتورة..

نبي نعرف أدق التفاصيل..

هااا عاااااااااااد.. مو تتأخرين علينا وتتدلعين..
هنا احنا بندلعك.. بس عاد أنتي مو تنسينااااا……..

ننتظر مشاركاتك معنا كل يووووووووووم

مرحبا اختي ام ريم الف مبروووووووووووووووووك على الحمل والله اني فرحتلك من كل قلبي الله يتمملك على خير

المهم اذا عندك اي سؤال لا تتردين انا ما بقصر معاك ان شاء الله

الف بركه وخير لكي ام ريم
الف مبروك

يارب ثبت لك حملك ويرزقك الذريه الصالحه يارب

الف الف مبروك يا الغالية
والله يتمملك على خير وتشوفي البيبي بين اديك
وتنتقلي باذن الله لمنتدى عالم الطفل

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.