زينة المستشفى بعد الولادة اللي ذواقة تعبر .

الســــــلام عليكم حوامل منتدى طبيبي……

في شي حلو وعاجبني وودي الكل يشاركني فيه …..

هو لما تربين شو تفكرين تسوين زينة لغرقتج في المستشفى ……. :ff:

من زينة ورد أو تلبيسة لشنطة البيبي أو شرشف حلو من الستان ملبس بالدانتيل

شو تفكرين تحطين إذا كنتي من هواة الأناقة والترتيب…….

واللي عندها أفكار حلوه….. ممكن تفيدنا……

انا الصراحة … طلع عندي ذووووق خخخخ

انا عن عمري مسوية سرير للبيبي بس طالع روووعة و مسوية معاااه لحافي و شكلي باخذه معاااي المستشفى .. غير باقي الطقم اللي مكون من شنطة البيبي و عش البيبي او كيس البيبي و سلته كله طقم واااحد

احنا عنا اهني في نظاان المستشفى عااادي اذا حبت الوحدة تولد ترا مجانا لكن في عنا نظااام الفي اي بي هاااي تدفعين عليهم فلوووس

و انا مسوية نفس طقم اللحااف و كل شي .. لبااس لدلال الشاي و غير مال الصينية

و طبعا مجهزة سلة عطووور للي بيزورني

يعني ببدع بالمستشفى انا اتذكر وحدة ربيعتي يوم ولدت و هي بعدها بالمستشفى كانت كل يووم تسوي بوفيه .. ل 3 ايام و تجيب 2 فلبينيات مع البوفيه عشاان يخدمووا علينا

بس انا ما بسويها عشااانها اوفر يعني ممكن اجيب حلويات او كعك يعني شغات خفيفة

و نسمع اراء الباقين يمكن شي يعجبني و اطبقه

والله افكاركم حلوه ومنكم نستفيد

انا هالمره افكر ازين غرفة الولاده إذا إن شاء الله تعالى يبت بنت

لأني ابا ادلعها من يوم ولادتها ههههههه

اي وحده عندها افكار ثانيه ماتبخل علينا

واشكركم على الموضوع

كل تفكيري عن غرفة اللي بقعد فيها بعد الولادة ،، اني كيف بقضيها في الليل ،، بروحي ،، ولا حد بينام عندي،،
اخاف بروحي ،، متردده اخلي منو عندي في الغرفة ان شاء الله ،،
اما عن الزينة كل شي على زوجي ووالدتي وخوات زوجي ما يقصرون ،، ما شاء الله هم السباقين دوم في هالاشياء وانا ولا عبالي شي ،،
انا كل همي وقتها وحتى الحين النونو شو اشتري له من مستلزمات وكيف اتصرف معاه بعد الولاده ،،
الله يستر
ماشاء الله عليكم
حسرة علينا أحنا الي في الغربة
ليلي هههه يللا ان شاء الله تعوضينه في البيبي الجاااي
حلو أختي أعصار أضفتيلي فكرة جديدة…… سلة العطور…… وراح أجيب وحده تحطلي زينة وردة مع الكريستال والخرز وتحطة على السرير والكوميدينو وسرير البيبي …… بس أنا محتارة بين زينة حلاوة يامال الشام وباتشي….. لأني شفت زينة يامال الشام أحلى من زينة باتشي بس طبعا باتشي في الطعم أحلى برايكم شو أختار…..؟
مراسيل الصراااحة باتشي روووعة بس سعره اذا حبيتي تسوي شي عنده يعني ناااار انت سويلج من يامال الشااام لانه دايما زينتهم حلوة و صدقيني هي كلها شكولاتة يعني تتاكل

انا بسوي حلاوة البيبي من اي محل يسوي شغلات و زينات حلوة بس بعد افكر اروووح عند اللي يسوون بطاقات الافراااح لاني حااابة اسوي قرآن بشكل حلو .. بس ترا بعدني افكر يعني بعدني ما لفيت اشوووف

و الله يعين

ههههههه نحن الحريم نعمل دواهي …… خلاص بختار حلاوة يامال الشام أنا الصراحة شفت زينته تجنن أحلى من باتشي وسعره مناسب……. وتدرين فكرة فكره بس ممكن تكون غريبه شوي أحط لتليفون المستشف القطع اللي تيجي جاهزة موجوده بعد في السوق الصيني في دبي……وحلوه فكرة القرآن ……
انا في ولادتي سويت كل اللي في نفسي ولله الحمد ..وزينت جناحي عند اخصائي ديكور فلبيني ..واخترت كل شيء

من الصور اللي مسويها ..وكانت زينتي كلها عباره عن ورد طبيعي لون سكري مع بلونات ذهبيه كل اللي شافوها قالوا روعه..

وطبعا اللحاف والمفارش كلها كانت نفس اللون ذهبي على سكري ..والشكولاته والتمر والموالح والمعجنات كلها اعتمدت على اختي

تجهزها لاني كنت ممنوعه من الحركه..

والهدايا التذكاريه حق البيبي اشتريتها جاهزه عباره عن دب صغير وشكولاته ملفوفه معاه ..

وان شاء الله بحاول انزل لكم الرابط لغرفتي علشان اللي تبغى تستفيد منها ..بس قولوا ان شاء ينزل

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.