حوامل الشهر الاول واللي بتدخل في الثاني تعالوا نسولف

بسم الله الرحمن الرحيم
يابنات والله اني طفشانه ومادري شسوي قاعده انتظر الشهر الثالث ينتهي الله يعين توني بالاول وبدخل انشاءالله في الثاني الله يتمم حملي ويثبته على خير يارب والمسلمين اجمعين قاعده بالبيت مأطلع ولاأنظف ولاأسوي شىء تعالوا قولو لي وشلون تمضون ايامكم متى تصحون ومتى تنامون وهل تتغذون عشان الحمل ومدلعين انفسكم ولامادريتوا ولاجبتو خبر انا انام الفجر واقوم الساعه الثانيه ظهرا اصلي ونتغدى لين مايجي العصر بعدها ادخل النت او اقعد اخيط في الصوف والله انه رهيب اسوي التريكو وانسدح شوي لين المغرب بعدين اصلي واقعد فاضيه لين وقت العشا بعدها اسوي اي شىء وان جالسه وهذي حياتي طفش اله يمشي الايام على خير
الله يكمل حملك على خير
خليك طبيعية اذا كان حملك طبيعي ومافي اي خطر بس من غير مجهود.
بعدين كله يهون علشان البيبي وانشاء الله بتكملي على خير وبتقومي
بالسلامة
هلا أختي ..
أني توني راجعه من المستشفى عشان اشوف نتيجه التحليل
والحمد لله نفس ماتوقعت حامل لأني حسيت بنفسي حامل تقريبا من قبل فترة
سبحان الله من بداية الحمل خلال ايام أحس أن جسمي مو طبيعي وقبل
لا تتأخر العاده كم يوم وهذا حملي الثالث بأذن الله ونفس الشعور حتى
الأهل مستغربين أني أدري أني حامل قبل الفحص والتحليل ..

وأما سالفة الوحام فحدث ولاحرج مأساة يومية لكن الحمد لله أحاول أني أتكيف
مع هالفترة لأنها فترة صعبة في مراحل الحمل ألم وغثيان وصداع نصفي وقلق وتعب
وأرق طول الليل أفكر وماتجيني نومه وتقريبا نشاطي بالبيت منعدم وبناتي تعبانيني
وياي مع أبوهم والله يعدي هالفترة على خير ..
ويسهل على كل حامل والله يرزق اللي ماعنده ..

تحياتي

السلام عليكم ،،
عزيزتي أم سلمان، أريد أعرف متى حسيتي إنك حامل؟
أنتظر ردك الله يخليكي؟
أنا شاكة إني حامل وراح أعرف بعد أسبوع، لكن حاسة إني حامل ، أخاف أكون أتخيل
وكوني دائما أحس بحملي مثلك قبل الدورة ، لكن هالمرة حاسة بطني إنتفخ بشكل مو طبيعي وفي نفس الوقت أعراض الحمل بدأت عندي وإن شاء الله إذا أنا حامل هاي ثالث طفل

، أتمنى تردي على إستفساري؟

وشكرا

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.