حوامل البحرين

السلام عليكم ورحمة الله وبركاته

حوامل البحرين أتمنى كل وحدة تعطيني رايها في افضل دكتورة ممكن اراجع عندها مواعيد الحمل والولادة
وشرايكم بالدكتورة عفاف الشافعي في مستشفى نور التخصصي ومن عندها فكرة عن اسعارهم؟
وموفقين

هلا مرحبا أم أحمد ..

أنا صار لي 12 يوم من ولدت بفضل الله ..

وكنت أتابع في الطب الخاص بالمستشفى العسكري ..

وتحديداً عند الدكتورة هدى شريدة الله يذكرها بالخير ..

خلوقة وهادئة وساعدتني وايد بصراحة وكل مرة لازم ألتراساوند ..

وجفت وايد حوامل يتابعون عند الدكتورة موزة سبت بعد ..

بس اللي سمعت وااااااااايد يمدحونها هي الدكتورة فرح بالتخصصي ..

يقولون إنها دقيقة وشاطرة وتهتم بالمتابعة ..

أعتقد الزيارة بـ 15 دينار ..

الله يقومج بالسلامة وأي شي تحتاجينه أنا إختج وحاضرة باللي أقدر عليه ..

هلا اختي انا في الشهر الخامس
ومن اول ما حملت وقبل الحمل كنت اتابع عند د زينب الجفيري
وكل مرة اروح تسوي لي الترا ساوند وادفع في كل مرة 20 دينار

بس اهي الدكتورة ايد زينة

أنا يا أختي أتابع عند دكتورة صباح بيجام في عيادتها

وفي كل مرة أدفع لها 25 دينار

السلاااااام

انا صار لي اربع شهور من ولدت

بصرااااحه كنت اتابع عند الدكتوره فرح في التخصصي وااااااااااااااااااايد زينه ارتحت لها وطيبه وحبوبه وتفهمج كلشي وتشرح كلشي

بس الولاده ما انصحج في مستشفيات خاصه احسن لج روحي السلمانيه لانه فيها كل الاجهزه وكلشي متوفر لاسمح الله يصير شي

بس انه من شهري السابع رحت لدكتوره ثانيه وهي زينب الجفيري بس بصراااحه كللللللللش مارتحت لها وموكل زيادره تسوي التصوير ساعات بس تلمس البطن وقول لج خلاص كلشي اوكي انا مارتحت وكانت اغلى بعد مادري ليش

وانه بعد سمعت عن صباح زينه رحت لها بعد الولاده تكشف عليي وايد زينه وتشرح كلشي

مشكورين اخواتي آنا صراحة كنت اتابع عند فرح وبعدين كنسلتها لانها كانت حامل ودايما ما تحضر وحولوني على جم دكتورة من وحدة لوحدة فتضايقت من المستشفى وريلي هاوشهم علشان جذي اهو مستحيل يخليني اروح عندهم
انزين شرايكم في دكتورة اسماء اللي في ابن النفيس؟
وشلون الولادة عندهم؟
حبيبتي ام احمد انا ما اعرف صراحه بس حبيت ادعيلك بتمام الحمل و الولاده السهله

و ربي يقومك بالسلامه انت و البيبي

هبه

alkhnst
مشكورة حبيبتي والله يسلمج إن شاء الله
آنا أمس كان أول موعد لي عندها والحمدلله ارتحت منها آنا كنت عندها من قبل والحين رجعت لها وإن شاء الله تكون تمام وياي للاخير والله يسهل إن شاء الله
في بداية حملى كنت اتابع عند الدكتوره فكريه مصطفى يعني زينه بس خوفتنى شوى وغيرتها ومن غيرتها مارجعت لها

وتابعت بعدين عند الدكتوره فرح النعيمي عليها معاملة ماودج ان تطلعين من عيادتها وحشتنى ولله

لله يقومج بالسلامه

مشكورة يا ام جسوم والله آنا ما تركت مستشفى التخصصي الا بعد ما عانيت منه كنت وايد مرتاحة من معاملتها بس صراحة ما شخصت مرضي عدل والتشخيص اهم من المعاملة شبتفيدني معاملتها اذا ما قاعدة تعالجني صح صراحة اهي ذوق وحبوبة بس كانت بعد حامل وحولوني على كذا
دكتورة وكل وحدة تعطيني علاج وتشخيص غير تخيلي هل معقولة تواصلين معاهم طبعا لا لان تعبت من كثر الادوية اللي كل وحدة تعطيني اياها من صوب وتخيلي بعد ان كل وحدة تشخيص يختلف عن الثانية بشكل كبير بس يالله الحمدلله والشكر لرب العالمين حملت من غير ادوية بفضل الله سبحانه وتعالى
والدكتورة اللي آنا عندها الحين وااااااايد حليوة وصراحة مؤمنة وملتزمة وما عندها شي اسمه فلوس في دكاترة يستغلون ان خاص ودايما يعطون العلاجات المكلفة من اول شي بس الله الشاهد صراحة هي دايما كانت تراعي وتبتدي بعلاجات غير مكلفة وتحطيج نصايح ثانية غير الادوية علشان جذي رجعت اتعالج عندها وإن شاء الله الله يسهل الأمور يا رب العالمين

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.