حامل وارضع بنفس الوقت . بليز ساعدوني تعبت

السلام عليكم ورحمه الله وبركاته

انا حملت ع ولدي بالغلط طبعا وهو عمره 6 شهور والحين عمره 7 شهور بس رافض نهائيا الحليب الصناعي جربت له 6 انواع مصر ع صدري والله غامضنى واقعد اصيح يوم اشوفه يصيح يبا يرضع ويوم اطلع صدري يقعد يحضنه بيده ويهه لصغيره والله مب عارفه شو الحل وفى نفس الوقت اخاف ع الجنين يمكن يضر الاثنين والله تعبت ونفسيتي داون مب عارفه كيف اتصرف الحمد لله هو ياكل بس لازم حليب قالى الدكتور حطيله اياه فى الاكل اللى متعود ياكله حتى لو ملعقه وسويت نفس كلام الدكتور وما طاع ياكل غداه والله تعبانه ومن غير لوحام هالكنى ما اقدر اكل شي يعنى ماشي طاقه ابدا ابدا

بليز الحل والله ينولكم الجنه ان شاء الله

اقدر اعطيه حليب الجاهز اللى يكون بالفراوله ولا الموز ولا بعده صغير لازم يشرب حليب

حبيبتي لاتهتمين والله مقدره وضعك بنظري خليه يجوع مثلا الرضعه قبل الحمل كانت كل اربع ساعات الحين اخريها نصف ساعه او ساعه بعدين بيظطر انه ياكل ويشرب اللي قدامه
انتبهي من الترضيع اثناء الحمل خطر على اطفالك الاثنين

ادعوا لي بان الله يثبت جنيني ويجعله ولــــــــــد كامل الخلق والخلقه من غير زياده او نقصاان وباارا بوالديه

هلا اختى

والله كانك تحكى القصه اللى صارت معى

بس انا بنتى حملت عليها وعمرها10 شهور

وكمان ما رضيت تاخد حليب بس عملت لها كوب تشرب منه

وما رضيت تاخد المرضعه

بس تعرفى امتى اخدت المرضعه لما شافت بنت خالى فى نفس عمرها بترضع من الرضعه ومنها نغرت وبدات تاخد

يعنى وكليه مع صغار فى عمره وان شاء الله بيستاجيب

مشكوررين للردود واتمنى المزيد لانى اخرت عنه صدري مده اربع ساعات قلت الحين راح يشرب الحليب منو يقول والله ولا عبرها ونام وهو جوعان
الله يعينك ..

الموضوع يبغاله صبر…اصبري ومصيره يشرب الرضاعه ..

وحطي له شيء طعمه مو حلوعلى صدرك علشان اول مايمص يطلعه من فمه ..كذا امي كانت تسوي .. بس لازم تتوقفي عن الرضاعه لانها مو كويسه انا دايم

اسمع من الحريم الكبار هالشيء …،،

الله يعينك اختي ولا تتضايقي كثير منا مر بالهوضع
الموضوع يبيله صبر…انتي حاولي وتوكلي على الله اهم شي ماتتضايقي من الموضوع وتحسيه انه صعب
خليه يجوع او اثناء رضعات الليل وهو نايم عطيه الرضعه لاتقطعي حليب صدرك مره وحده لا حبه حبه
انا بنتي حملت وكان عمرها تقريبا 8 شهور او 9 ان ماكنت ناسيه ورفضت الحليب الصناعي نهائيااااا حتى اني فطمتها فتره تخيلي! كانت بس تاكل
عطيتها حليب بالنكهات فراوله وموز وفكرت ارجع اعطيها طبيعي بس الحمدلله شوي شوي استسلمت للامر الواقع وصارت تاخذ رضعه وثنين وصار الموضوع عادي
الله يسهل امورك حبيبتي
اختي بس جوعيه اكثر او حطي على حلمة صدرك (((( مره ))) اكيد تعرفينها طعمها مر وراح يتركه على طوول
الله يكون في عونك ياقلبي .. اصبري عليه وامنعيه من الرضاعة شوي شوي وحطي فوق حلمة صدرك مرة مثل ماقالت دمعة انثى وان شاء الله راح يعاف صدرك .. أهم شي ماترضعينه من صدرك لأن الرضاعة مش زينة وأنتي حامل .. الله يبارك لك فيه ويرزقك بجنين صحيح الخلقة ويرزقك برهم يارب .. إنتبهي على نفسك حبيبتي وتغذي كويس والله معاك يالغالية ..

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.