حاسه اني رح اموت

انا ولدت قيصري وبعد ولادتي بشهرين ونص حملت……….والحين صايبتني حالة اكتئاب شديدة لدرجة ان زوجي يقول لو تروحين لدكتور نفسي يمكن ترتاحين………احس اني ابغى اموت استغفر الله……….وان الحياة مملة ومالها معنى وما اشوف شي حلو غير بنتي الله يخليها لي……حتى شكلي تغير صرت ما اهتم بنفسي وشعري دايما منكوش وحالتي حالة حتى الاكل ماله طعم واستكثر على نفسي اكله حلوة اكلها….كل شي ممل ممل……ودي اصرخ بصوت عالي احس ان في داخلي شي ابي اطلعه……واكرة يزورني احد في البيت مع اني قبل كنت اجتماعية بس الحين لا…….. اكرة احد يزورني ……..حتى زوجي احس اني ماني طايقتة ولا ابغاة يلمسني او حتى يقرب مني ……..ما ادري وش اسوي احس اني بنتهي اخاف تزيد معي الحالة ويصير لي شي اسوأ………….الله يخليكم شوروا علي احس اني رح اموت
يا اختي العزيزة
ما حددتي سبب اكتآبك ؟هل هو الحمل المفاجئ؟
فكري بانه رزق وجاءك واحمدي الله عليه
فكري في جانب ايجابي للموضوع الا يظل الطفل الاول وحيد يريد الله له اخ او اخت
ولا بأس من مراجعه طبيب نفسي على الاقل للكلام والفضفضه

ادعي ربك انهم يكونوا ذرية صالحة تعينك وتشيلك في مشيبك
وتحياتي لك

اختي انوار المدينة ..

انتي هلأ حامل .. واتوقع انه الوحام له دور في هذا الموضوع .. فاصبري شوي .. لحد ما تعدي هالفترة ..

وحاولي تغيري جو .. اعملي الشغلات اللي بنفسك .. وروحي زوري اشخاص بتستمتعي بوجودك معهم . .

وطمنينا عنك .. انشاء الله بتتحسن نفسيتك قريبا

اختك ميس

اعتقد ان سبب حالتك هذه يا اختي هي انك حملت بعد شهرين فقط من ولادتك

لا كن هذا امر الله من يعرف ربما فيه خير كثير وعسى ان تكرهو ا شيئا ويجعل الله فيه خيرا كثيرا

ارجوك يا اختي استغفري الله واحمديه حمدا كثيرا لان غيرك تتمنى ان تحمل لاكن لم يرزقها الله

اتمنى لك التوفيق في حملك واتمنى الا تلدي مرة اخرى قيصري

والحمد لله على كل حال

اختي انوار
كان الله في عونك
واتخاذك لهذا الاسم الجميل اكبر دليل على ان ما انت فيه مجرد شيء عابر ويمضي سريعا باذن الله
ولا يبقي سوى القلب المفعم بالنور
بالنسبة للقيصرية فلا داعي للقلق
وللعلم فان مع النساء في الغرب يفضل الولادة القيسرية على الطبيعية
اسال الله لك السلامة
وعليك بذكر الله والصلاة على رسول الله

اختي تعوذي من ابليس وطردي هالوساوس

غيرك يتمنى طفل وانتي زعلانه ,, هذي نعمه من الله لازم تشكرينه عليها وادعي ان الله مايحاسبج على كلامك ويطلع الطفل سليم

سلامتك الف سلامة يا اختي .. ماعليك شر

حبيبتي لا تخافين ولا تقلقين الحل بيدك انتي .. انت اللي تقدرين تطلعين نفسك من هذا الجو

انا اشوف ان حالتك طبيعيه جداَ .. فالمرأة الوالدة تصبها حالة اكتئاب يسمى " اكتئاب مابعد الولادة " وهذا الامر يحصل عند اغلبية النساء بعد الوضع ..

واكيد يا اختي الحالة متضاعفه عندك نتيجه لحملك السريع وانت لسه ما ارتحتي من تعب الحمل والولادة القيصرية والسهر والمسؤليات الجديدة ..

عزيزتي انوار المدينه .. نصف المشكله انحلت لانك تدركين وضعك .. وزوجك ولله الحمد متفهم وتعاطى مع الموضوع بطريقه ممتازه .. والله يااختي هناك رجاجيل مايقدرون ظروف المرأة في مثل هذه الظروف ويزيدون همها هم .. احمدي الله كثيراَ عزيزتي وصدقيني فترة بسيطة وبتعدي ..

بس لا تزيدين العيار مثل مايقولون .. سمعي نصايح اختك ام الدان .. وانت بتدعين لي ..

اول شي لازم تعرفين ان رب العالمين وهب لك نعمه عظيمه .. وقدر لك بمسؤلية كبيرة تدخلين من وراها الجنه

" الجنة تحت اقدام الامهات "

حبيبتي ليس من فراغ ان تكون الجنة تحت اقدام الامهات .. نظراَ للاجر والثواب والجزاء العظيم الذين يحتسبهم رب العالمين للمرأة اثناء حملها ومايترتب عليه من وحم والم ومشقه .. الولادة وما يترتب عليها من الم فظيع .. الرضاعه .. السهر .. التعب ..

شوفي يا اختي كم من اجر وثواب وحسنات جمعتي لك " اللهم لا حسد " سمحي لي يا اختي بس والله احاول اللطف الجو علشان تبتسمين ونشوف ضحكتك الحلوة ..

شي ثاني يا عزيزتي انوار المدينه .. صحيح انه شي صعب جداَ الحمل ورا بعض لكنه في نفس الوقت شي جميل .. بنوتك القمره بتكبر مع اخوها او اختها في نفس المرحله وبيكونون متفاهمين ومبسوطين اخر انبساط ..

وبعدين جدي جدي انت تسهرين وتتعبين ..سهري وتعبي مرة وحده .. وبعد التعب راحه .. ريحي نفسك وحاسبي انك ماتحملين الا بعد سنتين .. رغم ان كل شي بيد الله سبحانه وتعالى .. لايملك لاي انسان ان يمنع قدوم شخص قدر الله له الحياه ..

اعيد واكرر .. مرحلة مؤقته يا اختي .. لكن بفضل ايمانك بالله وتوكلك عليه ستشفين وتتعافين وبتشوفين الدنيا حلوه وعيالك يكبرون قدام عينك وهم في نفس السن ..

صحيح اختك ام الدان مش مجربه وان شاء الله اجرب وكل محروم من الذرية يجرب .. لكني اشوف صديقتي حملت بمجرد مرور شهر على ولادتها .. وصادتها نفس حالة الاكتئاب اللي تتكلمين عنها .. لكنها الحين ولله الحمد فرحانه ومبسوطه ..

حبيبتي احس ان عندي كلام وتوجيهات كثيره لكن اشعر اني اطلت عليك الكلام .. افضل اكمل بعد ما اشوف ردك ..

وماعليك شر عزيزتي .. ننتظر اخبارك

اختي انوار المدينة .. بصراحة ماقدرت انام بعد ماسمعت او بالاحرى قريت معاناتك ..

رحت بحثت عن مواضيع اتوقع انها تفيدك .. شوفي حبيبتي ايش شفت ..

************************************************** **

احزان مابعد الولادة

ان شاء الله تحصلين فايدة من خلال المواضيع المتنوعة اللي تتكلم عن نفس الحالة .. على الاقل تحسين ان وضع النفسي طبيعي وهناك العديد من الحلول ..

اختي انوار المدينه .. خلي بالك على النونو اللي في بطنك .. ترى الجنين يحس بحالة امه النفسيه ..

وبعد لي رجعه باذن الله ..

ماشالله

غاليتنا ام الدان ما قصرت بالنصايح و المعلومات و انشالله تكون هدأت من نفسيتك اختي و اراحت بالك

و انشالله تكملي حملك بخير و سعاده و يكون كل شيء على ما يرامز

اختك هبه

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.