بنات الكويت

السلام عليكم
حبيباتي بنات الكويت كل وحدة تقول لي وين ولدت او وين ناوية تولد انا بصراحة عندي ملف في دار الشفاء

الجديد وملف في مستشفى هادي بس اول ماحملت كل مراجعاتي صارت بمستشفى دار الشفاء الجديد

وبصراحة الدكتورة اللي اراجع عندها عسل وحبوبة .

دوركم الحين تعبت من الحجي

باي

انا اراجع بالهادي صراحه خوش مستشفى ولدت ببنتي بالهادي صراحه وايد اهتموا فيني اتخيلي فوق اربع سيسترات على راسي وكل اشوي وحده تطل علي ودكاتره عند راسي والحين ان شالله راح اولد عن جريب اهناك بعد اسبوعين ان شالله والله يهون عليج
fafi شكرا حبيبتي على الرد واذا ولدتي علميني عشان ازورج في المستشفى وانشاء اللة تقومين بالسلامة
الله كريم والله اذا ما شالتج الارض احطج بعيوني عزيزه والغالبه اشلون اعلمج اذا ولدت اكيد اكون بالمستشفى ان شالله انا ازورج بأذن الله الله يسهل عليج وتقومين بالسلامه انتي والبيبي ويا ريت اتعرف عليج اكثر يمكن نصير ربع
fafi حبيبتي تسلم عيونج وانشاء الله تقومين بالسلامة وشرف كبير لي اني اتعرف عليج ومو بس نصير ربع نصير خوات واذا ولدتي لازم تدزيلي مسج وانا اييج اذا موعلى ريولي اييلج طيران والله يهون عليج انشاء الله
في ناس تمدح المواساه وناس تمدح الشفا اليديد عاد انتي وكيفج اللي يريحج صج الموضوع يحير بس السهاله من رب العالمين الله يسهل عليج ياارب وعلى fafi
شكرا يا احلى رمانة وماتقصرين
انا 3 مرات فى الهادى صراحه اكثر من روعه

والله يقومك السلامه

وادي الامان مشكورة على الرد ومستشفى هادي حلو بس صار قديم وبعدين وايد زحمة قلت آنا اغيّر
اشكركم حبيباتي كلكم واتمنى نتعرق اكثر على بعض بس اشلون والله ودي انا ما عندي صديقات انا عمري 23 وعندي بنت هذا الملخث وكويتيه وانتم

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.