بالشهر التاسع ومافي طلق؟؟؟

يا بنات اختي الحين بالشهر التاسع والمشكله انها ما تحس بالطلق بالمره

اهي بكل ولاداتها تطوف التاسع بشهر وما تحس باي شي عادي ولو نخليها اتم عادي

ولا تحس باي شي؟؟؟ بس الوالده الله يحفظها بكل ولاده تاخذها عالمستشفى وتولد

بطلق صناعي وهالمره الرابعه بعد وهي بالتاسع بعد وللحين ما ياها الطلق ؟؟؟

شنو سبب هالشي الي فيها ؟؟ وهل في خطر عالجنين لو تم مده اطول من تسع شهوور

طيب شنو تقدر اتسوي بهالحاله؟؟ اذا بكل ولاداتها ما يجيها الطلق ؟؟؟

ليش ما تمشي أو تاكل تمر …….. أو تروح تتسبح في البحر …….. كل هذا بيساعدها على الولادة يمكن ……. أنا مش دكتورة لجل

أفيدج بس أعطيج معلومات عامة والحركة زينه بس مو العنيفة أو ترفع شي ثقيل ……. وإن شاء الله الخوات بعد يفيدونج …….

السلام عليكم ورحمة الله وبركاته

اشلونج يا قلبي انشالله بخير

شوفي انا اختي ما يا لها الطلق وراحت حق الدكتورة وقالت لها اكلي 4 تمرات +وشربي كوب دارسين + وامشي نص ساعه ويكون على البحر لانه التراب ثقيل وفعلا راحت وماصار ساعاتا الا واهيه والدة

والله يهون عليها وتولد بالسلامة يارب ولا تنساج بالدعاء

الجازي غريبة بس يمكن اختج من النوع اللي ماتشرب محرضات الولادة

عندج زيت الخروع و الحلبة و الجرجير و التمر و فعلا المشي على البحر وااايد زين و طلوع الدرج بعد يساعد على انفتاح الرحم

و الله يقومها بالسلامة هي و اليببي و عقبالج

مشكووووووووووووورين حبيباتي

بنصحها بالتمر ان شاء الله الاسبوع الياي اشيل البيبي عنها

مشكوووووووووووووووورين

اعصار من قلتي أن صعود الدرج يساعد على انفتاح باب الرحم ….هههههه….. قمت ما أطلع الدرج ما أبي أربي بسرعه خايفه

بس في خاطري في شهر ما يو على موعده إن شاء الله بس الأهل يقولولي ههههه ….. خلصينا ربي بسرعه …… عسب الامتحانات

يبون يقعدون فا ضيين للبيبي ههههه ربي يجبه بالسلامه يارب وأضمه بأيديني ……..

انه بنت خالي كانت اذا قرب موعد ولادتها تشرب كوب ماء ورد مخلوط بلزعفران خلها تجرب يمكن يفيدها
حتى أنا سامعة عن ماء الورد المخلوط بالزعفران

وبعد الحليب الدافىء المخلوط بالحلبة مفيد للي بتولد

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.