اللي ولدت بقيصريه سؤال

السلام عليكم ورحمة الله وبركاته
مرحبا بكل حوامل طبيبي..عندي بعض الاستفسارات اتمنى من اللي عندها خبره او اللي جربت ترد علي..
انا من كم يوم ولدت بعمليه قيصريه وعملولي كبس بالعرض وخياط في نهاية الكبس من الجهتين وماقالولي طريقة العنايه بالجرح وانا ماعندي خلفيه كلش بهالسوالف ..هل استخدم مطهر او شنو بالضبط .انا لحد الحين ماستخدمت شي بس الجرح يصيده ماي وقت الاستحمام ومادري اذا كان هالشي مضر ولا عادي..وسؤال اخير الخياط يطيح بروحه؟ومتى؟
..ياليت تردون علي بأسرع وقت تراني وايد متخوفه والله يخليلكم اولادكم ويبارك لكم فيهم ويقوم كل حامل بالسلامه انشاء الله
اختي انا ولدت بنتي بقيصريه
وعلى طلو دخلت الحمام وتسبحت بشامبو وصابون معطر وكل شي
مافي اي مشاكل الحمدلله صارت معاي
وشالو ا الكبس اللي حطوه خيطهم اعتقد بعد سبع ايام قصوه قص
وما شفت الا العافيه
وما استخدمت اي تطهير لانه الجرح ما كان فيه وصخ او افرازات او غيره
الله يعافيك يا رب
الحمد لله على سلامتك وألف مبروك ما جاء اختي

بالنسبه للجرح عادي تستحمين عليه وما فيه اي مشاكل بإذن الله

وما يحتاج استخدام مطهر ولا شيء

اهتمي الآن بصحتك وصحة مولودك الله يتمملك النفاس على خير يارب

الف شكر اختي سلطانه وابتهال يعطيكم العافيه طمنتوني الله يطمنكم
بس آنه الحين صارلي 12 يوم والده وماعطوني موعد الا بعد شهر وبالنسبه للجرح مافي افرازات ولا شي
بس آنه كنت خايفه يكون لازم اطهر الجرح او انه مايطيح بروحه لأن ماتخيل شلون بطيح
اختي العزيزه

ترى سلطانهو بلبول و انا كمان جربنا القيصريه

و معلوماتهم صحيحه ميه في الميه جزاهم الله الف خير

بالنسبه للخياط فعند موعدك دكتورتك تقص اطرافه و تسحبه

لأنه الخياط داخلي مو خارجي

يعني ما تطيح الغرز من حالها لازم الدكتوره تشيلها بنفسها

و اذا ما كان في احمرار او نفخان عند الجرح

معناه باذن الله كل شي طبيعي

و الله يسهلك حبيبتي و يتمملك فترة النفاس على خير ياااااااارب

هبه

مشكوره اختي هبه يعطيك العافيه والله يتمملك ولكل الحوامل على خير بس سؤال اذا ماعليك كلافه الدكتوره لما بتيل الخياط مايعور؟او فيه تخدير ولا لا؟
الاخت السائله تقلكم كبس والكبس بالدبابيس لانى والده مرتين عمليه وارفض الكبس اقلهم خياط واصلا الدكتوره تشيل الخيط قبل ما اطلع من عندهم يعنى بعد 4_5 ايام ليش انتو غير
ياي احسه مؤلم انا ما جربت بس حاسه فيكم … الله يشفيكي ام يويو ويلتأم جرحك يارب …هاي الولاده لازم الوحده تتحمل…
يارب اذا حملت ما اولد قيصري توم امس بنت عمي والده قيصري وامها تصييييييييييح..
يارب تسهل على اختي ام يويو يا رب اللهم آمين
أختي أنا كمان جربت القيصري وعملوا لي كبس وعندما شالوا لي الخيطين اللي على الجنبين ماحسيت بأي شئ مافي اي عوار ابدأ وكنت عادي اتسبح بس بعد الحمام انشف مكان الجرح بالفوطه وأنا الحين والده طبيعي واحس اني تعبت اكثر من القيصري
الله يسهل عليك ويتمم لك بالعافيه
مشكورين الاخوات ام امنه،الجازي22،نجوم الظهريه على الردود
ام امنه:انا كبس بس في خياط من الجوانب ،لو ادري ان الخياط احسن من الكبس كنت قلت لهم
الجازي22:اي والله يألم يالجازي بس الم محتمل الحمد لله على كل حال ومشكووره على دعائك لي الله يسهل على الكل ويعطيك مرادك انشاء الله
نجوم الظهريه:والله طمنتيني الله يطمنك انا كنت خايفه ان يألم لما يسحبو الخيطين الله يسهل عليك يا رب ويقومك بالسلامه

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.