أفيدوني كيف النوم الصحيح للحامل ,,,خايفة

بسم الله الرحمن الرحيم

خواتي انا بنهاية الخامس وبدخل السادس باذن الله ..

بغيت اسأل شو هي الوضعية الصحيحة للنوم بالنسبة للمرأة الحامل ؟؟

هذا ثاني حمل لي .. وفالولاده كان الحبل السري ملتف على بنتي وين الرقبة مرتين
وما ابا اعيد نفس المأساه ..
لأني سمعت النوم عالظهر يسبب التفاف الحبل السري ..
وانا وايد ارقد ع ظهري وما ارقد على جنب من دخلت الخامس لأني احس بألم وما اكون مرتاحه ..

اللي عنها خبره تساعدني ….

اختي الله يهون عليج
احسن شي نامي على جنبج الايمن وحطي مخده بين ارجولج
لان نومة الظهربتعبج والكثير من الدكاتره يحذرون منها لانه تعرض الطفل لألتفات حبل السري على رقبته
حبيبتي ام حمده

نامي و اتبطحي مثل مايحلالك المهم تكوني مرتاحه في النومه

و التفاف الحبل السري ابدا ابدا ماله دخل بالنوم

و تقدري تتأكدي من طبيبتك من هالكلام

فنامي بالشكل اللي يريحك و اللي صار مره ان شالله ما يتكرر مره ثانيه

و ربي يتمملك بالخيري ارب و يسهل امرك

هبه

هلا حبيبتي ام حمدة .. انا بعد مثلك ملخبطة في النوم .. وفي بداية حملي في الثلاث الأشهر الأولى كنت انام على بطني .. وبعدين صرت اخاف والحين رجعت لأني ماأقدر أنام إلا كذا مايلة شوي على بطني .. إذا كنتي خايفة إستشيري طبيبتك أو اللي عندهم خبرة ويارب ما يصير على جنينك شر ويحفظه ربي لك ويسهل عليك يارب وعلى كل وحدة حامل ..
فديتكم ياهلي
هبة
ماما صغيره

شكرا لأهتمامكم ,,,, ويزاكم الله خير …

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.