أسأل عن حبوب الكالسيوم

السلام عليكم احب ان اسال عن حبوب الكالسيوم للحامل هل يجب اخذها بصوره يوميه ام لا علما اني حامل في الشهر الخامس ولا اشرب الحليب لاني لااحبه الرجاء الاجابه ولكم جزيل الشكر والتقدير
أختي حبوب الكالسيوم ضروية وكمان الحليب ضروري ..

أنا كمان مثلك ما حبه ..بس عشان ولدي حبيبي كنت أشرب في اليوم 3 كاسات ..كل شي يهون على شانه ..

واذا مرة ما حبيتيه حطي معاه شوكلاته ..أو فواكه ..

أو ركزي ع الاجبان والقشطة ..

لازم ختي لا يصير لابنك لين عظام ..

الله يتمم لك بخير ويقومك بالسلامة ..

انا عن نفسي بعد ما احب الحليب …

بس الحمد لله جبرت روحي من بداية الحمل وكنت اشرب حليب المراعي على كاكاو …هذا الوحيد اللي اتقبل طعمه….

والدكتورة عطتني حبوب الكاليسيوم قبل اسبوعين تقريبا …يوميا حبة …

وانصحج انك تكلمين دكتورتج بهالشيء افضل….

بس تذكري انه عشان اللي في احشائج لازم اتضحين …..

اذا ما تحبين الحليب على الاقل احين في رمضان كثري من اللبن ..تره وااااااايد حلو مع التمر…

لازم حبيبتي تشربي الحليب عشان طفلك .. الكالسيوم ضروري لتكوين عظامه ومهم لك انتي بعد .. حاولي تشربي الحليب بأي طريقة انتي تحبينها ..
شكرا جزيلا لكل من تعب حاله ورد على الموضوع راح اعمل ان شاء الله بالنصيحة شكرا لكم جميعا اخواتي العزيزات
انا مثلك ما احب الحليب ولما كنت حامل ما كنت اشرب الحليب بس كنت اكل حبوب الكالسيوم وبعدين طلعت بنتي ما تحب الحليب وصادها تقوس في العظاموالحين نعالجها بفيتامينات علشان هذا السبب لازم تشربين الحليب
شكرا اختي العزيزة زمرده راح اعمل بنصيحتك ان شاء الله
اختي العزيزه

هل عملتي تحليل و طلع نسبة الكالسيوم نازله عندك؟؟؟

اذا نعم ممكن انك تاخدي كالسيوم حبه كل يوم و ترجعي تعيدي التحليل بعد فتره

اذا ما عندك نقص في الكالسيوم يفضل انك ما تاخديه

و ربي يسهل امرك و يتمم حملك بالخير يارب

هبه

نفس الحالة أختي أديان ..والله كأنك تكلمين عني ..شو العمل ياربي

You may also like...

Add a Comment

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.